Тошкентда уйларнинг ижара нархлари 2022 йилдан бери қарийб 60 фоизга ошди
Республика бўйича иккиламчи уй-жой бозорида нархлар 2022 йилдан буён 20,2 фоизга ўсди
Ўзбекистонда иккиламчи бозордаги уй-жой нархлари бир йилда 20,2 фоизга кўтарилди. Шунингдек, январь ойида ўзбекистонликлар орасида кўчмас мулк сотиб олишга талаб декабрга нисбатан 19,7 фоизга ошди. Бу ҳақда Иқтисодий тадқиқотлар ва ислоҳотлар маркази маълум қилди.
Фото: Bugun.uz
Тошкент шаҳрида январь ойида ижаранинг ўртача нархи деярли ўзгармади ва 2022 йил декабрь ойида 1,4 фоизга бироз пасайган ҳолда 1 квадрат метр учун 10,1 долларни ташкил этди. Ижаранинг энг юқори нархлари пойтахтнинг Шайхонтоҳур (15,7 доллар), Яккасарой (11,8 доллар) ва Миробод (12,2 доллар) туманларида қайд этилди.
Шу билан бирга, 2022 йилнинг мос даврига келиб, Тошкент шаҳрида ижаранинг ўртача нархи деярли 25 фоизга ошди. Бундан ташқари, ўтган йилнинг январь ойидан буён уй-жойларни ижарага бериш бўйича энг юқори ўсиш суръатлари Шайхонтоҳур (56,7 фоиз), Сергели (29,9 фоиз) ва Чилонзор (25,8 фоиз) туманларида қайд этилган.Шунингдек, республикада январь ойида иккиламчи уй-жой бозорида 1 квадрат метр учун уй-жой нархининг ўртача ўсиши ойига 0,9 фоизни ташкил этган бўлса, 2022 йил январь ойидан буён 20,2 фоизга ўсди. Йил бошидан буён Навоий – 29,3 фоози ва Фарғона – 29 фзои вилоятларида ва Тошкент – 28,3 фози шаҳрида уй-жой нархининг сезиларли ўсиши кузатилди.
Аввалроқ Ўзбекистонда квартиралардан ижарачиларни мажбурлаб чиқариб юбориш ва нархни асоссиз ошириш ҳолатларига изоҳ берилганди. Таъкидланишича, ижара шартномаси тарафларнинг келишуви билан бекор қилинади. Ижара шартномасини ижарага берувчининг талаби билан бекор қилиш муайян асосларга кўра фақат суд тартибида амалга оширилади. Шунингдек, Ўзбекистондаги талабаларга икки ойлик ижара ҳақи ҳеч қандай шартномасиз тўлаб берилиши маълум қилинганди.
