Тошкент шаҳар Юнусобод тумани «Буюк Турон» маҳалласидаги кўчаларнинг бирига Усмон Носир номи берилди. Бу ҳақда пойтахт ҳокимлиги матбуот хизмати хабар берди.

Халқ депутатлари Тошкент шаҳар Кенгашининг VI-77-30-14-0-K/23-сонли қарори билан Юнусобод тумани «Буюк Турон» маҳалласидаги Амир Темур 1-тор кўчаси Усмон Носир кўчаси деб қайта номланди. Шунингдек, ушбу кўчага туташ номсиз кўчага Усмон Носир 1-тор кўчаси номи берилди.

Бу Шавкат Мирзиёевнинг 2022 йил 10 февралдаги «Оташин шоир, таржимон ва драматург Усмон Носир таваллудининг 110 йиллигини кенг нишонлаш тўғрисида»ги қарори тегишли бандининг ижросини таъминлаш мақсадида амалга оширилган.

Аввалроқ Самарқанд давлат университетига Шароф Рашидов номи берилганди.