Ўзбекистон Россия қўшинларини Украинадан олиб чиқиш бўйича БМТ резолюциясига овоз беришда бетараф қолди

БМТ Бош ассамблеяси 23 февраль куни бўлиб ўтган фавқулодда махсус сессиясида Украинада БМТ низоми тамойилларига мувофиқ, имкон қадар тезроқ «кенг қамровли, адолатли ва мустаҳкам» тинчлик ўрнатиш зарурлиги тўғрисида резолюцияни қабул қилди. Бу ҳақда ташкилот матбуот хизмати хабар берди.

Фото: Reuters

Ҳужжатда Бош ассамблея аъзолари «Россия Федерациясидан ўзининг халқаро тан олинган чегаралари доирасида Украина ҳудудидан барча қуролли кучларини зудлик билан, тўлиқ ва сўзсиз олиб чиқиб кетишни» талаб қилган ва ҳарбий ҳаракатларни тўхтатишга чақирган.

Резолюцияга 141 та давлат ёқлаб овоз берган, 32 давлат, жумладан, Ўзбекистон бетараф қолган, 7 та давлат — Беларусь, Шимолий Корея, Эритрея, Мали, Никарагуа, Россия ва Сурия қарши овоз берган. Беларусь томонидан таклиф қилинган тузатишлар рад этилган.

Фото: БМТ матбуот хизмати

Бош ассамблея Украинанинг халқаро миқёсда тан олинган чегаралари, жумладан, ҳудудий сувлари доирасидаги суверенитети, мустақиллиги, бирлиги ва ҳудудий яхлитлигига содиқлигини яна бир бор тасдиқлаган.

Бош ассамблея резолюцияда «қуролли конфликт иштирокчиларининг барча ҳарбий асирларга муносабати 1949 йил 12 августдаги Ҳарбий асирлар билан қилинадиган муомала тўғрисидаги Женева конвенцияси ва 1949 йилдаги I Қўшимча протокол қоидаларига мувофиқ бўлишини, ҳарбий асирларни тўлиқ алмашишни, барча ноқонуний ҳибсга олинганларни озод қилишни, мажбурий кўчирилган ва депортация қилинган тинч аҳолини, шу жумладан, болаларни қайтаришни талаб қилади».

Бош ассамблея делегатлари «Россия Федерациясининг Украинага қарши агрессияси оқибатида вужудга келган инсон ҳуқуқлари ва гуманитар вазият билан боғлиқ оғир вазиятдан афсусда эканини» билдирган. Ҳужжат томонларни тинч аҳоли ва фуқаролик объектларини ҳимоя қилиш бўйича ўз мажбуриятларини ҳурмат қилишга ва ёрдамга муҳтож бўлганларга инсонпарварлик ёрдамининг тўсиқларсиз киришини таъминлашга, шунингдек, Украинанинг муҳим инфратузилмаси, жумладан, уйлар, мактаблар ва касалхоналарга ҳужумларни дарҳол тўхтатишга чақиради.

Резолюцияда, шунингдек, «Украина ҳудудида содир этилган энг оғир жиноятлар миллий ёки халқаро даражада адолатли ва мустақил терговлар орқали халқаро ҳуқуқ доирасида жавобгарликка тортилишини таъминлаш зарурлиги» таъкидланган.

«БМТ Бош ассамблеяси делегатлари ташкилотга аъзо давлатларнинг Украинада тинчлик ўрнатишга қаратилган саъй-ҳаракатларини қайд этиб, халқаро ҳамжамиятни бу ҳаракатларни қўллаб-қувватлашни каррасига оширишга чақирди. Урушнинг глобал оқибатларини бартараф этиш учун давлатлар ҳамжиҳатлик руҳида ҳамкорлик қилиши керак», дейилади резолюцияда.

Эслатиб ўтамиз, октябрь ўрталарида БМТ Бош Ассамблеяси «Украина ҳудудий яхлитлиги: БМТ низомига риоя қилиш» резолюциясини кўпчилик овоз билан қабул қилганди. Унда Россия Украинанинг тўртта ҳудудини аннексия қилгани қораланган. Ўшанда ҳам Ўзбекистон БМТда Россия Украина ҳудудларини аннексия қилишини қоралашдан тийилганди.

Туркиянинг Бейкўз шиша ва кристалл музейига саёҳат (фото)
Янгиликлар18:10 | 1.4.23
Туркиянинг Бейкўз шиша ва кристалл музейига саёҳат (фото)
Олий суд меҳрибонлик уйи тарбияланувчиларини муттасил зўрлаб келган амалдорларга тайинланган жазога муносабат билдирди
Янгиликлар17:06 | 1.4.23
Олий суд меҳрибонлик уйи тарбияланувчиларини муттасил зўрлаб келган амалдорларга тайинланган жазога муносабат билдирди
Ўзбекистонда келаси ҳафта кузатиладиган об-ҳаво маълумоти эълон қилинди
Янгиликлар15:54 | 1.4.23
Ўзбекистонда келаси ҳафта кузатиладиган об-ҳаво маълумоти эълон қилинди
Хоразмда меҳрибонлик уйи тарбияланувчилари билан бир неча бор жинсий алоқа қилган амалдорларга озодликни чеклаш жазоси тайинланди
Янгиликлар14:49 | 1.4.23
Хоразмда меҳрибонлик уйи тарбияланувчилари билан бир неча бор жинсий алоқа қилган амалдорларга озодликни чеклаш жазоси тайинланди
Ўзбекистон қонунчилигида 1 апрелдан нималар ўзгаради?
Янгиликлар12:01 | 1.4.23
Ўзбекистон қонунчилигида 1 апрелдан нималар ўзгаради?
Бурсадаги 20 та гумбазли Улу масжиди — суратларда
Янгиликлар11:20 | 1.4.23
Бурсадаги 20 та гумбазли Улу масжиди — суратларда

Муҳим хабарлар

Олий суд меҳрибонлик уйи тарбияланувчиларини муттасил зўрлаб келган амалдорларга тайинланган жазога муносабат билдирди

17:06 · 01.04.2023

Ўзбекистонда келаси ҳафта кузатиладиган об-ҳаво маълумоти эълон қилинди

15:54 · 01.04.2023

Хоразмда меҳрибонлик уйи тарбияланувчилари билан бир неча бор жинсий алоқа қилган амалдорларга озодликни чеклаш жазоси тайинланди

14:49 · 01.04.2023

Ўзбекистон қонунчилигида 1 апрелдан нималар ўзгаради?

12:01 · 01.04.2023

Ўзбекистоннинг тўққизта вилоятида сув тошқини бўлиши мумкин

12:15 · 31.03.2023

Ўзбекистонда апрел ойида кузатиладиган об-ҳаво маълумоти эълон қилинди

11:03 · 31.03.2023

«Ўзгидромет» 31 март куни кузатиладиган об-ҳаво маълумотини эълон қилди

17:39 · 30.03.2023

Ўзбекистон 2023 йили жалб қиладиган давлат қарзининг 29 трлн сўми пенсия ва табиий газ субсидиясига сарфланади

16:25 · 30.03.2023

Ўзбекистонда доллар курси икки кунлик пастлашдан сўнг кўтарилди

16:32 · 29.03.2023

Тошкент вилоятида Open Budget’да овоз йиғиш учун мактаб ўқувчиларидан пул йиғилаётгани айтилмоқда

16:13 · 29.03.2023