Украина президенти Владимир Зеленский Хитой Россияга қурол-яроғ етказиб бермаслигига умид қилмоқда. Бу ҳақда у Киевда ўтказилган матбуот анжуманида маълум қилди.

«Хитой адолатли дунё, яъни биз тарафимизда бўлишига ишонишни хоҳлайман. Тўғрисини айтаман, бу мен учун муҳим: Хитой Россияга қурол етказиб бермаслигига ишонишни жуда истайман. Бу мен учун жуда муҳим. Биринчи рақамли банд», — дейди Зеленский.

Украина президенти Хитой қуроллари Россияга етказилишига йўл қўймаслик учун барча имкониятини ишга солаётганини таъкидлаган. «Ва бу, тўғрисини айтиш керак, Учинчи жаҳон уруши хавфини келтириб чиқаради», — дейди Зеленский.

Аввалроқ Der Spiegel нашри Россия ҳарбийлар Хитойнинг дрон ишлаб чиқарувчилари билан музокаралар ўтказилаётганини ёзганди. Хитой Россияга қурол-яроқ етказиши мумкинлиги ҳақида февраль бошида АҚШ ҳукумати вакиллари ҳам айтган эди.

Аввалроқ Хитой Украина можаросини ҳал этишнинг 12 банддан иборат режасини эълон қилганди. Шунингдек, Украина ташқи ишлар вазири Дмитрий Кулебанинг айтишича, Хитой Россия билан муносабатларидан келиб чиқиб, можарони ҳал этишда муҳим роль ўйнаши мумкин. Бундан ташқари, Хитойнинг БМТдаги вакили ўринбосари Дай Бин ташкилот Бош Ассамблеяси йиғилишида Украинага қурол-яроғ етказиб бериш орқали тинчликка эришиб бўлмаслигини маълум қилганди.