Ўзбекистонда 2022 йилда 2,7 млн тонна гўшт етиштирилди
Президент ҳузуридаги Статистика агентлиги маълумотларига кўра, 2022 йилда республика бўйича 2,7 миллион тонна гўшт (тирик вазнда) етиштирилган.
Ушбу кўрсаткич 2021 йил билан солиштирилганда 3,4 фоизга ошганини кўриш мумкин. Гўшт етиштириш умумий ҳажмининг энг юқори улуши Қашқадарё вилояти (11,6 фоиз) ҳиссасига тўғри келди. Шунингдек, кейинги ўринларда:
- Қорақалпоғистон – 120,5 минг тонна;
- Андижон вилояти – 185,6 минг тонна;
- Бухоро вилояти – 284,9 минг тонна;
- Жиззах вилояти – 237,7 минг тонна;
- Қашқадарё вилояти – 315,7 минг тонна;
- Навоий вилояти – 180,6 минг тонна;
- Наманган вилояти – 168 минг тонна;
- Самарқанд вилояти – 313,2 минг тонна;
- Сурхондарё вилояти – 209,8 минг тонна;
- Сирдарё вилояти – 70,5 минг тонна;
- Тошкент вилояти – 283,6 минг тонна;
- Фарғона вилояти – 181,1 минг тонна;
- Хоразм вилояти – 174,6 минг тонна.
Аввалроқ Беларусь Ўзбекистон учун гўшт нархини оширгани, шунингдек, Ўзбекистон ва Қозоғистон гўшт етказиб беришни соддалаштиришга келишиб олгани ҳақида хабар берилганди.
