Россиянинг Кемерово вилоятида 25 феврал куни старт берилган «Осиё болалари» II қишки халқаро спорт ўйинларида Ўзбекистон болалар хоккей терма жамоаси иштирок этгани ҳақида хабар берилганди. Унда жамоа «Б» гуруҳида иштирок этиб, ғалаба қозонди. Бу ҳақда Хоккей федерацияси матбуот хизмати хабар берди.

Ёш хоккейчилар 4 март куни Тошкент аэропортида тантанали равишда кутиб олинган.

Маълумот учун, сўнгги учрашувда ёш хоккейчилар қирғизистонлик рақиблари устидан ғалаба қозонди. Кемерово вилоятнинг Новокузнецк шаҳридаги «Кузнецкий муз» муз саройида бўлиб ўтган ўйинда ўзбекистонлик ёш хоккейчилар яхши тайёргарликни намойиш этди.

«Мамлакатда хоккей ва айниқса болалар хоккейини ривожлантиришига қаратилган саъй-ҳаракатлар ўз самарасини бераётганини кўриш қувонарли ҳолат. Хоккей нафақат миллионлаб мухлислар севадиган ўйин, балки ёш авлодни энг яхши спорт анъаналарида тарбиялашдир», — деди Ўзбекистон Хоккей федерацияси президенти Бахтиёр Фозилов.

Эслатиб ўтамиз, «Осиё болалари» мусобақаси Ўзбекистон болалар хоккей жамоаси учун биринчи чиқиш ҳисобланади.

«Осиё болалари» II халқаро қишки спорт ўйинлари дастуридан чанғи спорти, тезкор конкида учиш, фигурали учиш, хоккей, чанғида сакраш, эркин услуб, сноуборд, чанғи спорти ва қор волейболи жой олган.

Мусобақаларда Беларус, Қозоғистон, Арманистон, Афғонистон, Мўғулистон, Қирғизистон, Ўзбекистон, Россия ва бошқа мамлакатлардан мингдан ортиқ ёш спортчилар иштирок этган.