Ўзбекистон ва Туркия етакчи «ақл марказлари» раҳбарлари учрашув ўтказди
СМТИ раҳбари Элдор Орипов Туркия Сиёсий, иқтисодий ва ижтимоий тадқиқотлар жамғармаси бош координатори Бурхониддин Дуран билан учрашди
Стратегик ва минтақалараро тадқиқотлар институти (СМТИ) директори Элдор Орипов Истанбулда ўтказилган навбатдаги 26-Евроосиё иқтисодий саммитида иштирок этиб, мамлакатнинг қатор етакчи илмий-тадқиқот муассаса раҳбарлари билан учрашувлар ўтказди.
СМТИ раҳбари Элдор Орипов Туркия Сиёсий, иқтисодий ва ижтимоий тадқиқотлар жамғармаси (СEТА) бош координатори Бурхониддин Дуран билан учрашди.
Маълумот учун, СEТА 2006 йил Анқарада ташкил этилган бўлиб, мамлакатда етакчи нотижорат тадқиқот ва таҳлилий муассасаси ҳисобланиб, Истанбул, Вашингтон, Брюссел ва Берлинда ўз офисларига эга. Жамғарма асосчиси Иброҳим Калин Эрдўғоннинг бош маслаҳатчиси ва матбуот котиби бўлса, Бурхониддин Дуран эХавфсизлик ва ташқи сиёсат кенгаши аъзоси ҳисобланади.
Шунингдек, СМТИ раҳбари Элдор Орипов 2018 йилда имзоланган ўзаро англашув меморандуми асосида муносабат ўрнатган Marmara Group Стратегик ва ижтимоий тадқиқотлар жамғармаси бош директори Аккан Сувер билан ҳам учрашди. Учрашув давомида Туркия жануби-шарқида содир бўлган кучли зилзила оқибатлари юзасидан ҳамдардлик билдирилган. Туркия оғир кунда тезда амалий ёрдам кўрсатгани учун Ўзбекистондан миннатдорлигини изҳор этди.
СМТИ ва СEТА ўртасида имзоланган англашув меморандумига кўра, қўшма илмий лойиҳалар амалга ошириш, томонларни қизиқтирган масалалар бўйича форум, семинар ҳамда давра суҳбатларини ташкил этиш орқали мунтазам ишчи алоқа ўрнатиш назарда тутади.
