17:55 | 28.03.23 314
Рамазон ойи муносабати билан Шавкат Мирзиёев номига қутловлар келмоқда
Табрикномаларда Ўзбекистон халқига тинчлик-осойишталик тилаклари изҳор қилинган
Муқаддас Рамазон ойи кириб келгани муносабати билан Ўзбекистон Президенти номига хорижий мамлакатларнинг давлат ва ҳукуматлари, халқаро ташкилотлар раҳбарлари, таниқли жамоат ва дин арбобларидан қутловлар келмоқда.
Президент матбуот хизматига кўра, табрикномаларда хорижий ҳамкорлар мамлакат етакчиси ва кўп миллатли Ўзбекистон халқига ўзининг чуқур ҳурмат-эҳтиромини билдириб, тинчлик-осойишталик, тараққиёт ва равнақ йўлида янги муваффақиятлар тилаган.
Жумладан, қуйидагилар ўз табрикларини йўллаган:
- Саудия Арабистони подшоҳи Салмон бин Абдулазиз Ол Сауд;
- Саудия Арабистони валиаҳди, Вазирлар Кенгаши раиси Муҳаммад бин Салмон бин Абдулазиз Ол Сауд;
- Туркия президенти Ражаб Тоййиб Эрдўғон;
- Миср президенти Абдулфаттоҳ ас-Сиси;
- Эрон президенти Иброҳим Раисий;
- Бирлашган Араб Амирликлари президенти Муҳаммад бин Зоид Ол Наҳаён;
- Бирлашган Араб Амирликлари вице-президенти, бош вазири, Дубай амирлиги ҳокими Муҳаммад бин Рошид Ол Мактум;
- Кувайт амири Тамим бин Ҳамад Ол Таний;
- Кувайт амирининг ўринбосари Абдуллоҳ бин Ҳамад Ол Таний;
- Иордания подшоҳи Абдулла II;
- Фаластин президенти Маҳмуд Аббос;
- Ислом ҳамкорлик ташкилоти бош котиби Ҳусайн Иброҳим Тоҳа;
- Туркий давлатлар ташкилоти бош котиби Кубаничбек Омуралиев;
- Кавказ мусулмонлари идораси раиси, шайхулислом Оллоҳшукур Пошшозода.
