«Ипак Йўли» банки ва Ўзбекистондаги етакчи рақамли кредитлаш платформаларидан бири бўлган Zood (ZoodPay & ZoodMall) электрон тижорат соҳасида рақамли кредитлашнинг ўсишини рағбатлантириш мақсадида стратегик ҳамкорликка киришиш ниятида эканликларини маълум қилди.

Потенциал ҳамкорлик банкка Zood иловаси орқали турли банк хизматларини тақдим этиш учун бозор сотувчилари ва харидорларидан иборат Zood’нинг кенг мижозлар базасидан фойдаланиш имконини беради.

«Биз Zood билан ҳамкорлик қилишдан ва молиявий инклюзивликни кенгайтириш ва Ўзбекистонда электрон тижорат ривожланишини қўллаб-қувватлаш учун умумий кучимиздан фойдаланишдан хурсандмиз. Бу ҳамкорлик рақамли таклифларимизни кенгайтириш ва янги мижозлар сегментларига кириш бўйича бизнинг стратегик устуворликларимизга мос келади ва бу ҳар иккала ташкилот, манфаатдор томонлар ва мижозлар учун катта фойда келтиришига ишончимиз комил», — «Ипак Йўли» банки бошқарув раиси ўринбосаридеди Даврон Миртурсунов.

Ҳамкорликни шарҳлар экан, Zood Group бош директори Майкл Хой шундай деди:

«Бизнинг вазифамиз молиядан фойдаланишни демократлаштириш ва етарли даражада хизмат кўрсатилмаган ва фойдаланилмаган бозорларда молиявий инклюзивликни таъминлашдан иборат ва ‘Ипак Йўли’ банки билан ҳамкорлик ушбу мақсадга эришиш йўлидаги муҳим қадамдир. Биз биргаликда мамлакатдаги миллионлаб одамларнинг ҳаётини сезиларли даражада ўзгартиришга интиламиз».

«Ипак Йўли» банки ва Zood ҳамкорлиги Ўзбекистон иқтисодиётига ижобий таъсир кўрсатиши кутилмоқда. KO‘K ва истеъмолчилар учун арзон ва мослашувчан кредитлаш эчимларини тақдим этиш орқали ҳамкорлик молиядан фойдаланиш имкониятларини кенгайтириш ва тадбиркорлик, инновациялар ва ижтимоий-иқтисодий ривожланишни рағбатлантиришга қаратилган.

Zood компанияси Ўзбекистон, Покистон, Ироқ ва Ливанда жами 300 миллиондан ортиқ аҳоли ва 5 миллион кичик ва ўрта бизнес субъектларига ўз хизматларини таклиф этади. ZoodMall бозори, ZoodPay’нинг мижозларга кредит беришнинг мослашувчан вариантлари, инвентаризацияни молиялаштириш ечимлари ва қарор қабул қилишнинг мустаҳкам автоматлаштирилган тизими билан Zood банк билан биргаликда Ўзбекистонда рақамли кредитлашни кейинги босқичга олиб чиқишга тайёр.

Реклама