Тошкентда «Конституция — ўзимизники» тарғибот тадбири бўлиб ўтди
Унда мамлакатда инсон қадрини улуғлаш масалаларида амалга оширилаётган ишлар эътироф этилди
Тошкент шаҳрининг Яшнобод туманидаги «Олмос» турар жой мажмуасида 6 апрель куни «Конституция — ўзимизники» мавзусида тарғибот тадбири бўлиб ўтди.
Унда сўзга чиққан Тошкент шаҳрининг собиқ ҳокими, қурилиш соҳаси фахрийси Козим Тўлаганов, Tashkent City мажмуаси қурилишида ишлаган кранчи қиз Наргиза Арслонова, ипотека кредити эвазига турар жойли бўлган Михаил Султонов, қурилиш вазири ўринбосари Даврон Одилов ва Land House қурилиш компанияси раҳбари Акром Очилов мамлакатда инсон қадрини улуғлаш, одамларга қулайлик яратиб бериш, аҳолини уй-жой билан таъминлаш, қурувчиларнинг меҳнат ва ижтимоий шарт-шароитларини яхшилаш масалаларида амалга оширилаётган ишларни алоҳида эътироф этиб ўтди.
Тадбирга ёш хонандалар Ёрқинхўжа Умаров, Имрон ҳамда таниқли қўшиқчи Равшан Собиров қўшиқ куйлади.
