Тошкентдаги Жамоат хавфсизлиги университетида «Конституция меники, сеники, бизники! Конституция ўзимизники!» шиори остида янги Конституцияга бағишланган тарғибот тадбири бўлиб ўтди.

Унда таълим муассасасининг икки мингдан зиёд курсантлари, ўқитувчи-профессорлари, офицерлар ва ҳарбий хизматчилар иштирок этди.

Шунингдек, Миллий гвардия вакилларининг кўргазмали чиқишлари ҳамда ўзбек эстрадаси намоёндаларининг куй-қўшиқлари тадбирга ўзгача шукуҳ бағишлади.