Транспорт вазирлиги Тошкентда жойлашган масжидларда Рамазон ҳайит намози ўқилиши муносабати билан мазкур масжидларга ташриф буюрувчилар учун махсус автобус йўналишлари ташкил этилиши ҳақида хабар берди.

Маълум қилинишича, мазкур автобус йўналишлари соат 04:00 дан 07:00 га қадар ҳаракатланган ҳолда фуқароларнинг масжидларга келиб-кетиши учун хизмат кўрсатади.

Шунингдек, Рамазон ҳайити кунида метро поездлари ҳаракати интервали доимий жадвал асосида соат 04:00 дан бошланади.

«Байрам муносабати белгиланган бошқа дам олиш кунлари метро поездлари якшанба куни учун тасдиқланган жадвал асосида — соат 05:00 дан ҳаракатланади», дейилади «Тошкент метрополитени» ДУК хабарида.

Аввалроқ Ўзбекистон мусулмонлари идораси Рамазон ҳайити 21 апрел, жума куни нишонланишини расман тасдиқлаганди.

Bugun.uz’нинг ҳукуматдаги манбаларига таяниб маълум қилишича, Шавкат Мирзиев Рамазон ҳайити муносабати билан 2018 йил 8 май қабул қилинган 5428-сонли «Ўзбекистон Республикасида афв этишни амалга ошириш тартиби тўғрисида»ги фармонига кўра 300 дан ортиқ маҳкумни афв қилади.