Референдумнинг дастлабки натижалари эълон қилинди
Янги таҳрирдаги Конституцияга ўзгартиришлар киритиш бўйича референдумда давомат 84,54 фоизни ташкил этган
Марказий сайлов комиссияси раиси Зайниддин Низомхўжаев Ўзбекистонда 30 апрел, якшанба куни бўлиб ўтган янги таҳрирдаги Конституцияси бўйича ўтказилган референдумнинг дастлабки натижаларини эълон қилди.
Референдумда сайловчиларнинг иштироки 84,54 фоизни ташкил этди. «Референдумда Конституция тўғрисидаги Конституциявий қонунни қабул қиласизми?» деб берилган саволга 19 722 809 нафар фуқародан 15 040 055 нафари, яъни 90,21 фоизи ёқлаб овоз берган. Сайлов бюллетенларининг 0,49 фоизи ҳақиқий эмас деб топилди.
Унинг қайд этишича, референдум жараёни халқаро нормалар ва стандартларга, референдум қонунчиликка, унда белгиланган очиқлик ва ошкоралик каби умумэътироф этилган демократик принципларга тўла мос ҳолда ўтказилди. Ўзбекистон Республикаси Констиитуциявий қонун лойиҳаси қабул қилинган дейишга асослар етарли эканлиги таъкидланди.
