15:52 | 09.05.23 931
Google, Apple каби йирик технологик компаниялар Ўзбекистонда тўрт ойда 32,4 млрд сўм солиқ тўлаган
Тўланган солиқлар миқдори ўтган йилнинг мос даврига нисбатан 1,6 баробарга ошган
Солиқ қўмитаси 2023 йил январь-апрель ойларида Ўзбекистонда электрон хизматлар кўрсатувчи 42 та хорижий компания томонидан 32,4 миллиард сўм солиқ тўланганини маълум қилди. Бу ўтган йилнинг мос даврига нисбатан 1,6 баробар кўп.
Тўланган солиқларнинг 95 фоизи электрон хизматлар кўрсатувчи 10 та хорижий компания ҳиссасига тўғри келади:
- Meta — 12,1 млрд сўм;
- Google — 9,3 млрд сўм;
- Apple — 6 млрд сўм;
- Вooking.соm — 1,1 млрд сўм;
- Netflix — 1,1 млрд сўм;
- Xsolla — 632,9 млн сўм;
- Yandex — 363 млн сўм;
- Paddle.соm — 321 млн сўм;
- Linkedin — 275,6 млн сўм;
- Adobe Systems — 221 млн сўм.
Шу билан бирга юқоридаги компаниялар Ўзбекистонда кўрсатган хизматлари ҳажми ўтган йилнинг мос даврига нисбатан икки баробар ошиб, 122,9 миллиард сўмга етган.
