Марказий банк 3 та тўлов ташкилотининг лицензиясини чақириб олди. Банк маъмурияти сабаб тариқасида ташкилотлар фаолиятининг 1 йилгача тўхтаб қолганини таъкидлаган.

Ўзбекистон Республикасининг «Тўловлар ва тўлов тизимлари тўғрисида» ги Қонуни 25 моддасига мувофиқ ва Марказий банк бошқарувининг 2023 йил 20 майдаги қарорига асосан:

• «Instant Payment Solutions» масъулияти чекланган жамияти ташкилот лицензиясини чақириб олиш тўғрисидаги аризасига мувофиқ;
• «Source to Pay» масъулияти чекланган жамияти ўз фаолиятини олти ойдан ортиқ даврга тўхтатиб турганлиги;
• «TAPP PAYMENT» масъулияти чекланган жамияти фаолиятини лицензия олинган кундан эътиборан бир йил давомида амалга оширмаганлиги сабаб тўлов ташкилоти фаолиятини амалга ошириш ҳуқуқини берувчи лицензиялари чақириб олинганлиги ҳамда тўлов ташкилотлари реестридан чиқарилганлиги маълум қилинади.

Эслатиб ўтамиз, аввалроқ, PayMe тўлов тизимининг 100 фоизлик улуши «TBC Bank Group» га ўтгани маълум қилинганди.