12:23 | 27.05.23 2334
Зарафшон дарёсига чўкиб кетган икки боланинг ҳам мурдаси топилди
Болалар дарёга чўмилиш мақсадида борган
Самарқанд вилояти Пахтачи туманида уч нафар вояга етмаган бола «Зарафшон» дарёсига чўмилиш мақсадида бориб, эҳтиётсизлик оқибатида чўкиб кетгани ва улардан бирининг жасади топилгани хабар қилинганди. Бугун, 27 май куни Бош прокуратура матбуот котиби Ҳаёт Шамсутдинов чўккан икки нафар вояга етмаган боланинг ҳам жасади топилганини хабар қилди.
Ҳолат 25 май куни соат 14:00 ларда содир бўлган. ФВБ ҳамда ИИБ ходимлари томонидан олиб борилган қидирув ишлари натижасида 26 май куни бир нафар 27 майда эса икки нафар боланинг мурдаси топилган.
Мурдаси топилган болаларнинг ўлими бўйича суд-тиббиёт экспертизаси тайинланган. Терговга қадар текширув ҳаракатлари давом этмоқда.