Тошкент ва Фарғонада таълим муассасаси билан боғлиқ коррупцион жиноятлар аниқланди
Фуқаролар ўқишга кириш учун 4 минг АҚШ долларигача пора берган
Бош прократура ҳузуридаги Департамент Тошкент ва Фарғонада коррупцион жиноятларни аниқлади.
Департаментнинг Янгиҳаёт тумани бўлими ва ДХХ ходимлари томонидан ўтказилган тезкор тадбирда, Иқтисодиёт унуверситетига ўқишга киритиб қўйиш учун пул олаётган шахс ушланди. Фуқаро С.И Тошкент давлат иқтисодиёт университетига ўқишга киритиш учун М.А дан 4 минг АҚШ доллари пора олаётганда, ашёвий далиллар билан қўлга тушди.
Ҳудди шундай ҳолат Департаментнинг Фарғона вилоят бўлими, ИИБ ва ДХХ ходимлари томонидан ҳам аниқланди. Маълум бўлишича, фуқаро М.С Марғилондаги Ибн Сино жамоат саломатлиги техникумига ўқишга киритишни ваъда қилиб, М.Ш дан 400 АҚШ доллари пора олаётганда қўлга олинди.
Мазкур ҳолатлар юзасидан Жиноят кодексининг 25 ва 168-моддаси (фирибгарлик) ҳамда 28 ва 211-моддалари (пора бериш) билан жиноят ишлари қўзғатилиб, тергов ҳаракатлари ўтказилмоқда.
