Fitch ҳам S&P’дан кўп ўтмай United Cement Group’нинг юқори кредит рейтингини ижобий прогноз билан B+ даражасида тасдиқлади.

«Катта учлик» деб ҳисобланувчи рейтинг агентликлари таркибига кирадиган Fitch Ratings халқаро рейтинг агентлиги United Cement Group цемент холдингига ижобий прогнозли В+ кредит рейтингини берди. Бу Ўзбекистоннинг реал секторида фаолият кўрсатувчи нодавлат компаниялар ичида энг юқори кўрсаткичдир.

Fitch Ratings таҳлилчилари холдинг таркибига кирувчи барча корхоналарни кенг қамровда ўрганиб чиқди, минтақавий цемент саноати бозорининг бугунги ҳолатини таҳлил қилди ва холдинг ривожланишининг мумкин бўлган сценарийларини ва унинг Ўзбекистон иқтисодиётига таъсирини баҳолади. Мутахассислар United Cement Group компаниясининг республикада фаол ривожланаётган цемент бозоридаги етакчи мавқеи, яхши рентабеллик ва барқарор молиявий аҳволи, шунингдек, холдингнинг харажатларни оптималлаштириш борасидаги ташаббусларини алоҳида қайд этиб ўтишди. Fitch Ratings’нинг ижобий прогнозига UCG ўз корхоналарида амалга ошираётган кенг кўламли модернизациянинг ижобий натижалари, ҳамда операцион фаолликнинг ошиши сабаб бўла олган. Рейтинг агентлиги таҳлилчиларининг прогнозларига кўра, яқинда «Кварц» ойна заводининг сотиб олиниши маҳсулот диверсификациясини ривожлантириш ва молиявий барқарорликни мустаҳкамлашга, «Қизилқумцемент» интеграцияси эса фаолият рентабеллигини оширишга олиб келади.

Fitch Ratings баҳосига кўра, холдинг Ўзбекистон ва Марказий Осиёнинг жадал ривожланаётган цемент бозорида мустаҳкам ўринни эгаллаб, ушбу сектордаги мавжуд ва потенциал иштирокчилар учун жиддий рақобатчи ҳисобланади. Цемент корхоналарининг UCG холдингига интеграциялашуви уларнинг барқарорлигини сезиларли даражада оширади ва потенциал хавфларни камайтиради. Холдингнинг стратегик вазифаси — халқаро стандартларга мувофиқ тарзда энергия самарадорлигини ошириш, ёқилғи-энергетика харажатларини камайтириш, яшил технологияларни жорий этиш, ускуналарни янгилаш ва алмаштиришни назарда тутувчи корхоналарни комплекс модернизация қилишдан иборат.

UCG 2022 йил охирида S&P Global Ratings халқаро рейтинг агентлигидан B+ ижобий кредит рейтингини олганидан сўнг, Fitch томонидан кредит рейтингининг берилиши компаниянинг Ўзбекистон иқтисодиёти ва Марказий Осиё цемент саноатидаги муҳим ролини яна бир бор тасдиқлайди.

Fitch рейтинги United Cement Group’нинг халқаро рейтинг компаниялари томонидан сўнгги вақтларда берилган иккинчи ижобий баҳо бўлди. Рейтинг таҳлилчилари ўз ҳисоботларида нафақат холдингимизнинг молиявий барқарорлигини тасдиқлади, балки қийинчиликларга қарамай эришган юқори натижаларимизни ва келажакда ўсиш учун яхши имкониятларга эга эканлигимизни ҳам таъкидладилар, – дейди UCG Холдинг бош директори Серик Уканов.

 Бош директорнинг сўзларига кўра, Fitch Ratings таҳлиллари ва прогнозлари «UCG»га холдингнинг барқарор ўсиши, ходимларнинг ривожланиши ва мамлакат иқтисодиётини қўллаб-қувватлашга қаратилган узоқ муддатли стратегиясини амалга ошириш бўйича мақсадли ишлаш имконини беради. Кўп йиллар давомида UCG гуруҳи таркибидаги барча корхоналар ўз молиявий ҳисоботларини  ХМҲС стандартларига мувофиқ тарзда «Катта тўртлик» компанияларининг мажбурий аудити билан тайёрлаб келмоқда.

UCG ҳақида маълумот

United Cement Group (UCG) — Ўзбекистон, Қирғизистон ва Қозоғистонда фаолият юритувчи Марказий Осиёдаги энг йирик цемент холдинги ҳисобланади. Гуруҳ корхоналари томонидан вилоятлардаги асосий инфратузилма объектларини қуришда кенг қўлланилаётган энг юқори сифатли умумий қурилиш ва махсус навли цемент ишлаб чиқарилмоқда. Гуруҳ барқарор тарзда ривожланиши билан бирга, ижтимоий муаммолар, экология ва энергия самарадорлигига алоҳида эътибор қаратган ҳолда бизнеснинг юқори ўсиш динамикасини намойиш этмоқда. UCG заводларни мамлакат иқтисодиётининг цементга бўлган эҳтиёжини қондира оладиган ва халқаро бозор ўйинчиларига айлана оладиган даражада замонавий ишлаб чиқариш қувватларига айлантириш мақсадида йирик модернизация ишларини амалга оширмоқда.