Бош прокуратура ҳузуридаги иқтисодий жиноятларга қарши курашиш Департаментининг Яшнобод тумани бўлими ходимлари томонидан Шайхонтоҳур туманида жойлашган «E.R» МЧЖ офисида тезкор тадбир ўтказилди.

Жорий йилнинг 31 май куни фуқаро Ю.А. Департаментга ариза билан мурожаат қилган. Унинг аризаси асосида тезкор тадбир ўтказилган. Унда «E.R» МЧЖ раҳбари Х.М. ва жамият менежери Б.Ч. олдиндан жиноий тил бириктириб, фуқаро А.М.нинг ишончига кириб, унга ва онасига юқори лавозимда ишловчи мансабдор танишлари орқали 20 минг АҚШ доллари эвазига Ҳаж зиёратини амалга ошириш учун Ҳаж визаси олиб беришни ваъда қилиб, шундан 4 минг АҚШ долларини олган вақтда холислар иштирокида ашёвий далиллар билан ушланган.

Ҳозирда мазкур ҳолат юзасидан Департаментнинг Яшнобод тумани бўлими томонидан фуқаролар Я.Х. ва шерикларига нисбатан Жиноят кодексининг 168-моддаси 2-қисми «б» банди ва 28,211-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.