Чеченистон парламенти раиси Магомед Давудовнинг айтишича, «Вагнер» раҳбари Евгений Пригожин россияликлар орасида ваҳима кайфиятини келтириб чиқармоқда. Шунингдек, Давудов уни «одам каби учрашиб», суҳбатлашишга таклиф қилган.

Бизнинг жангчиларимизда ҳам муаммолар бор эди, аммо жангчи бу ҳақда нолиши керак дегани эмас. Сиз баёнотларингизда кимнидир отиб ташлаш кераклигига ишора қиласиз. Иккинчи Жаҳон уруши пайтида бундай сўзлар учун дарҳол деворга тираб отилган бўлар эдингиз.
Эсингизда бўлсин, Женя, сизда ҳарбий компания, самолётлар, вертолётлар, СЗО ва бошқалар бор. Сиз ўзингизни биринчига, Украин армиясини эса иккинчига қўйяпсиз. Агар шу суръатда давом этсангиз, бундан ҳеч қандай фойда чиқмайди. Ўрнингиздан туринг ва исталган вақтда, исталган жойда, мен билан эркак сифатида учрашинг. Бирга муҳокама қиламиз.

Худди шу куни Чеченистон Давлат Думаси депутати Адам Делимханов ўз каналида видео жойлаштирди. Унда Пригожин билан учрашиш ва «Ахмат чечен» бўлинмаси қандай вазифаларни бажараётганини тушунтириш таклифи билан мурожаат қилди. Делимхонов Пригожиннинг Ахмат бўлинмаси нима қилаётганини тушунмаслигини айтганидан сўнг ўз мурожаатини ёзиб олди.

Биринчидан, агар сизга бирор нарса тушунарсиз бўлса, исталган вақтда мен билан боғланишингиз, вақт ва жойни айтишингиз мумкин. Тушунмаган нарсаларингизни сизга тушунтириб берамиз. Иккинчидан, сиз аллақачон блоггер бўлиб қолдингиз ва бутун дунёга «бизда фақат муаммолар бор» деб дод солдингиз. 7-8 ой ичида Бахмут йўналишига қанча одам юборганингизни ҳаммамиз биламиз. Биз ҳар қандай муаммони сиз билан юзма-юз ҳал қиламиз. Барчаси етарли, акс ҳолда жамиятимиз кўп масалаларни тушуниб етолмайди, — дейди Делимхонов видеода.

Делимханов Пригожин Ахмат нима қилаётганини тушунмаслигига қўшимча қилиб, Гостомел ва Мариуполдаги чечен махсус кучларининг ҳаракатларини эслатиб ўтди.