Талабалар учун Президент гранти жорий этилади
Грант максимал балл тўплаган 200 нафар 1-курс талабасига берилади
Энг юқори балл тўплаб университетга қабул қилинган талабаларга Президент гранти берилиши айтилди. Максимал 189 баллни тўплаган 200 нафар талаба (ўқишга қабул қилинган абитуриент) контракт тўловчилар рўйхатида бўлса ҳам, Президент грантига эга бўлади.
Президент гранти стипендияси талабага 1-курсдан ойма-ой шаклда тўланади. Агар талаба бир семестр мобайнида бирон-бир фанни аъло баҳога ёпа олмаса, давлат гранти миқдорида стипендия олади. Кейинги семестрдан аъло баҳолар билан ўтган тақдирда, Президент гранти олишни давом эттиради. Президент грантининг миқдори Президент стипендияси билан бир хил.
Ўқишни тугатгунча грант стипендиясини узлуксиз олган талабалар ўз соҳаси бўйича магистратурага грант асосида имтиҳонсиз қабул қилинади.
