Қашқадарёда Damas дарага ағдарилиб кетди
6 нафар йўловчидан 3 нафари воқеа жойида вафот этган
Кеча, 4 июн куни Қашқадарё вилоятида Damas автомобили дарага ағдарилиб кетди. Фавқулодда вазиятлар вазирлигининг хабар беришича, воқеа 4 июн куни соат 7: 20 ларда Қамаши тумани Каттаўра МФЙ Кон қишлоғи ҳудудидан ўтган «Майданак-Қизилтепа» йўналишининг 38 км.да содир бўлган.
Дамас ҳайдовчиси бошқарувни йўқотиши оқибатида автомобил дарага ағдарилиб кетган. Натижада автомобил ичида бўлган 6 нафар йўловчидан 3 нафари воқеа жойида вафот этган. Қолган 3 нафар йўловчи эса, Қамаши тумани шифохонасига юборилган.
Воқеа ҳудудига вилоят ФВБ раҳбарияти бошчилигида қутқарувчилар, туман ҳокими ва тегишли ташкилот вакиллари етиб борган ҳамда қутқарув ишлари амалга оширилган.
Ҳолат юзасидан суриштирув ҳаракатлари олиб борилмоқда.
