Жорий йилнинг 3 июн куни Тошкент вилоятининг Янгийўл туманида 16 ёшли бола каналда чўмилмоқчи бўлиб, чўкиб кетган. Собиқ депутат Расул Кушербаевнинг хабар беришича, 16 ёшли М.И. Янгийўл шаҳридан оқиб ўтган Жўнариқ каналида чўмилмоқчи бўлган ва эҳтиётсизлик сабаб чўкиб кетган.

Бош прокуратура матбуот котиби Ҳаёт Шамсутдиновнинг маълум қилишича, қидирув ишлари натижасида боланинг жасади топилган.

Шунингдек, собиқ депутат ўз хабарида ота-оналар ва катталарга мурожаат ҳам қолдирган.

Ҳурматли ота-оналар, катталар: болаларни назоратсиз қолдирманг, ҳушёр бўлинг!