Чирчиқ шаҳрида ишчи ўзи ишлаётган бинодан қулаб вафот этган
Жиноят иши қўзғатилиб, тергов ҳаракатлари олиб борилмоқда
Бош прокуратура матбуот котиби Ҳаёт Шамсутдиновнинг Bugun.uz га маълум қилишича, Чортоқ туманида туғилган фуқаро M.A. Чирчиқ шаҳрида қурилаётган бинодан қулаб, шифохонада вафот этган.
2023 йил 8 июн куни соат тахминан 10:00 да Наманган вилояти, Чортоқ тумани, Чорсу МФЙ, Улуғбек кўчасида яшовчи, 1970 йилда туғилган фуқаро М.A. ўз меҳнат келишуви асосида ишчи бўлиб ишлаб келаётган Чирчиқ шаҳар, Гуляева кўчаси, 2-уйда жойлашган «Chirchiq Stal Montaj» МЧЖ томонидан қурилаётган кўп қаватли бинонинг учинчи қаватида, иш жараёнида дераза қисмидан тушиб кетган.
Шифокорлар томонидан кўрсатилган тиббий муолажаларга қарамасдан фуқаро M.A. вафот этган.
Мазкур ҳолат юзасидан Чирчиқ шаҳар ИИБ ҳузуридаги Тергов бўлими томонидан Ўзбекистон Республикаси ЖКнинг 257-моддаси 2-қисми «а» банди билан жиноят иши қўзғатилиб, тергов ҳаракатлари олиб борилмоқда.
