Самарқандда Cobalt ва «КамАЗ» иштирокида ЙТҲ содир бўлди
4 киши тан жароҳатлари оқибатида ҳодиса жойида вафот этган
8 июн куни соат 19:30 ларда Ургут тумани «Омонқўтон» маҳалласи ҳудудидан ўтувчи М-39 йўлининг 1121-км да ҳайдовчи ўзининг бошқарувида бўлган Cobalt русумли автомашинасини «Ургут-Қарши» йўналиши бўйлаб бошқариб келиб, бошқарувини йўқотиб, йўлнинг қарама-қарши томонидан ҳаракатланиб келаётган «КамАЗ» русумли юк автомашинаси билан тўқнашиб, ЙТҲни содир этган.
Оқибатда, Cobalt русумли автомашина ҳайдовчиси ва 3 нафар йўловчилари олган тан жароҳатлари билан ҳодиса жойида вафот этган. «КамАЗ» русумли автомашина ҳайдовчиси Ургут туман тиббиёт бирлашмасига ётқизилиб, унга шифокорлар томонидан тез тиббий ёрдам кўрсатилмоқда.
Ҳолат юзасидан 2023 йил 8 июн куни туман ИИБ ҳузуридаги ТБ томонидан Жиноят кодексининг 266-моддаси 3-қисми «а» банди билан жиноят иши қўзғатилган.
