19:18 | 10.06.23 781
Канада Бош вазири Украинага эълон қилинмаган ташриф билан келди
У сафар давомида Володимир Зеленский билан учрашишни режалаштирган
Канада бош вазири Жастин Трюдо 10 июн куни Киевга эълон қилинмаган ташриф билан келди. Трюдо Украинага ўзининг ўринбосари, Молия вазирлиги раҳбари Кристи Фриланд билан бирга ташриф буюрган.
The Global and Mail нашрининг ёзишича, Канада бош вазирининг кунлик сафарида Украина президенти Володимир Зеленский билан учрашишни режалаштирган. Уларнинг музокараларида Оттаванинг Киевни қўллаб-қувватлаши ва унинг Украинани тиклашдаги роли муҳокама қилиниши кутилмоқда.
Бу ташриф Трюдонинг Украинага иккинчи расмий ташрифи бўлиб, у илк бор 2022 йил май ойида Украинага келганди.
