Экинзорларни, ўрмонларни, дарахтларни ёки бошқа ўсимликларни қасддан шикастлантириш, пайҳон қилиш, нобуд қилиш кўп миқдорда зарар етказилишига сабаб бўлса, тегишли жазо чоралари  қўлланилиши айтилди.

Унга кўра:

• базавий ҳисоблаш миқдорининг 150 бараваридан 200 бараваригача (49 млн 500 минг сўмдан 66 млн сўмгача) миқдорда жарима;
• 300 соатдан 360 соатгача мажбурий жамоат ишлари;
• 2 йилдан 3 йилгача ахлоқ тузатиш ишлари;
• 1 йилдан 3 йилгача озодликни чеклаш;
• 3 йилгача озодликдан маҳрум қилиш.

Етказилган моддий зарарнинг ўрни уч карра миқдорида қопланган тақдирда, озодликни чеклаш ва озодликдан маҳрум қилиш тариқасидаги жазо қўлланилмайди.