21:06 | 14.06.23 1335
Қайнотасининг сотилган ерига даъво қилиб, пул сўраган шахс ушланди
У 60 минг АҚШ доллари талаб қилган
Хоразмда давлат ходими қайнотасининг 2021 йилда харидорга нотариал тартибда сотилган ерида ўз улуши борлигини айтиб, талаб қилинган пулни олаётган вақтида ушланди. Бу ҳақида ДХХ Ахборот хизмати маълум қилди.
Аниқланишича, Давлат кадастрлари палатасининг Хива туман филиали ходими қайнотасига тегишли 4 000 квадрат метр ерни 2021 йилда харидорга нотариал тартибда сотилганини била туриб, мазкур жойни сотиб олган фуқарога бу ерда ўз улуши борлигини айтиб, 60 минг АҚШ доллари талаб қилади.
Ҳолат юзасидан ДХХ томонидан ўтказилган тадбирда фуқаро сўралган пулни таниши орқали олаётган вақтида қўлга олинди.
Ҳозирда мазкур шахсга нисбатан жиноят иши қўзғатилган.
