Чилонзордаги мис қувурлари ишлаб чиқариш цехида технологик жараён бузилиб, портлаш ва ёнғин содир бўлди. Оқибатда 1 киши ҳалок бўлгани, 14 киши шифохонага олиб кетилгани аниқланди. Дастлабки маълумотларда, 6 киши жароҳатлангани хабар қилинган эди.

Қўшимча маълумотларга кўра, ёнғин оқибатда цехнинг том қисми конструкциялари қулаб тушиб, 50 кв.м майдон ички қисми ва дастгоҳларнинг ёнишига сабаб бўлган.

Воқеа жойига ФВВ ва шаҳар ФВБ раҳбарияти бошчилигида ёнғин-қутқарув экипажлари, шунингдек, прокуратура, ИИВ, Миллий гвардия, ССБ, «Ҳудудгазтаъминот» ва бошқа тегишли ташкилотлар ходимлари етиб борган. Ҳозирда вазият оқибатларини бартараф этиш ишлари олиб борилмоқда.