9:06 | 19.06.23 1505
Тошкентда лифтдаги носозлик сабаб 11 киши жароҳатланди
8 нафар фуқарога уйига рухсат берилиб, қолган 3 нафарига тиббий ёрдам кўрсатилмоқда
Кеча, 18 июн куни соат 16:15 ларда Тошкент шаҳар Янгиҳаёт тумани «Янги Дархон» МФЙда жойлашган кўп қаватли уйнинг юк ташиш учун мўлжалланган лифти юқоридан пастга тушаётган вақтида техник носозлик туфайли тезлашиб кетиб, 1-қаватга яқинлашганда лифтнинг автоматик тормоз тизими ишга тушиб тўхтаган.
Натижада лифтда бўлган 11 нафар фуқаролар турли даражада енгил тан жароҳати олиб, РШТЁИМга олиб кетилган.
Ҳозирда шифохонадан 8 нафар фуқароларга уйига жавоб берилиб, қолган 3 нафар фуқароларга тиббий ёрдам кўрсатилмоқда.
Воқеа жойига ФВВ ходимлари, шаҳар ва туман ФВБ раҳбарияти, ИИБ, Прокуратура ҳамда ССБ ходимлари етиб борган.
