12 ёшгача болаларнинг ота-оналар назоратисиз чўмилиши тақиқланади. Бу ҳақда Мактабгача ва мактаб таълими вазирлиги Ахборот хизмати маълум қилди.

Аниқланишича, сувда аҳолининг оммавий дам олиш жойларида дам олаётган фуқароларга қуйидагилар тақиқланади:

•  тақиқловчи белгилар ва «Хавфли!», «Чўмилиш тақиқланади!», «Шўнғиш (сувга сакраш) тақиқланади!» сўзлари ёзилган жойларда чўмилиш ва сувга сакраш;
• тўсиш белгиларидан ўтиб сузиш;
•  моторли, елканли кемаларга, эшкакли кемаларга ва бошқа кичик ўлчамли кемалар яқинига сузиб бориш;
•  техник ва огоҳлантириш белгиларидан ва буйтўсиқларидан бошқа мақсадларда фойдаланиш;
• сакраш учун мосланмаган иншоотлардан ҳамда чуқурлиги ва тубининг ҳолати номаълум бўлган жойларда сувга сакраш;
•  алкоголли маҳсулотларни истеъмол қилиш ва маст ҳолатда чўмилиш;
• сувда шўнғиш ва чўмилувчиларни ушлаб олиш билан боғлиқ ўйинларни ташкил этиш;
•  ёлғон тревога сигнали бериш;
•  вояга етмаганларни назоратсиз қолдириш;
•  сузиш учун автомобил камералари, тахтачалар ва шу кабилардан фойдаланиш;
•  пляжлар акваторияларида моторли, елканли, эшкакли қайиқлардан, эшкакли ва моторли кичик ўлчамли кемалардан, сув велосипедларидан фойдаланиш;
•  кучуклар ва бошқа ҳайвонларни ўзи билан олиб келиш, чўмилтириш, сайр қилдириш;
• сув ҳавзаларини ифлос қилиш, қирғоқда ахлатларни қолдириш;
• 12 ёшгача бўлган болаларнинг ота-оналар назоратисиз якка тартибда чўмилиши;
• шиша буюмлар ёки бошқа хавфли буюмларни қолдириш ёки пляж материалига кўмиш;
• овқат тайёрлаш ва иситиш учун оловдан фойдаланиш;
•  товуш баландлиги 90 ДБдан ортиқ бўлган кучли овоз чиқариш қурилмаларидан фойдаланиш;
•  қонунга зид бошқа хатти-ҳаракатларни содир этиш.