Бўстонлиқда тормози ишламай қолган юк машинаси 6 та машинани уриб юборди
ЙТҲ оқибатида ҳеч ким тан жароҳати олмаган
Бўстонлиқда тормози ишламай қолган юк машинаси 6 та машинани уриб юбориб, ЙТҲ содир этди. Ҳолат юзасидан Тошкент вилояти ИИББ ЙҲХБ расмий муносабат билдирди.
18 июн куни соат 18:00 ларда Тошкент вилояти Бўстонлиқ туманида 37 ёшли ҳайдовчи бошқарувидаги МАZ-55160-280-650 русумли юк транспорт воситаси Тошкент-Чорбоғ йўналишида ҳаракатланиб кетаётган вақтида тормоз тизими ишдан чиқиши натижасида ўзи билан бир йўналишда бўлган 6 та транспорт воситасига Spark, Matiz, Nexia-3, Kia Sportage D-242 ва 2 та Lacetti русумли машиналарга бориб урилиши натижасида йўл-транспорт ҳодисаси содир бўлган.
Ушбу тўқнашув натижасида ҳеч ким тан жароҳати олмаган. Транспорт воситалари эса техник шикастланган.
Ҳозирда ҳолат юзасидан Бўстонлиқ тумани ИИБ ЙҲХБ томонидан суриштирув ишлари олиб борилмоқда.
