13:54 | 20.06.23 1208
Президент сайловида муддатидан олдин овоз бериш куни маълум қилинди
Бу бўйича Марказий сайлов комиссиясининг мажлиси бўлиб ўтди
Бугун, 20 июн куни Марказий сайлов комиссиясининг мажлиси бўлиб ўтди. Мажлисида бир қатор масалалар муҳокама қилинди. Жумладан:
- cайловчиларнинг муддатидан олдин овоз беришини ташкил этиш;
- президент сайловини ўтказиш даврида жамоат тартибини сақлаш ва жамоат хавфсизлигини таъминлаш;
- сайловга тайёргарлик кўриш даврида Марказий сайлов комиссиясига келиб тушган мурожаатлар ҳамда президент сайловида халқаро ташкилотлардан қатнашадиган кузатувчилар ва ОАВ вакилларини аккредитация қилишга доир масалалар кўриб чиқилди.
Унга кўра, муддатидан олдин овоз бериш 2023 йил 28 июн куни бошланиб 2023 йил 5 июл куни якунланиши белгиланди. Cайлов участкасида муддатидан олдин овоз бериш вақти иш кунлари соат 9:00 дан соат 18:00 га қадар, дам олиш ва байрам кунлари соат 11:00 дан соат 17:00 га қадар давом этиши қайд этиб ўтилди.
