Си Цзинпин Пекинда АҚШ Давлат котиби Энтони Блинкен билан учрашди
Учрашув Блинкеннинг икки кунлик ташрифи муносабати билан ўтказилмоқда
Хитой Халқ Республикаси президенти Си Цзинпин Пекинда АҚШ Давлат котиби Энтони Блинкен билан учрашди. Бу ҳақда ХХРнинг расмий давлат ахборот агентлиги «Синхуа» хабар берди.
Си Цзинпин ва Блинкен ўртасидаги учрашувнинг бўлиши, сўнгги дақиқагача аниқ эмас эди. Расмий равишда Давлат департаменти учрашув 19 июн эрталаб бўлишини тасдиқлади. Блинкен АҚШ президенти Жо Байден давлат тепасига келганидан бери Хитойга ташриф буюрган энг юқори мартабали АҚШ расмийси ҳисобланади.
АҚШ ва Хитой ўртасидаги муносабатлар сўнгги йилларда сезиларли даражада ёмонлашди. Бунга савдо келишмовчиликлари, Тайван атрофидаги вазият, шунингдек, Россиянинг Украинага бостириб кириши сабаб бўлди.
