Тошкент вилоятида 14 ёшли қиз қудуққа тушиб кетди
У ўз эҳтиётсизлиги оқибатида яшаш хонадонидаги чуқурлиги 9 метр бўлган қудуққа тушиб кетган
Бугун, 20 июн куни соат 07:15 да Тошкент вилояти Зангиота тумани Фавқулодда вазиятлар бўлимига 14 ёшли қиз қудуққа тушиб кетганлиги ҳақида хабар келиб тушди.
Аниқланишича, у ўз эҳтиётсизлиги оқибатида яшаш хонадонидаги чуқурлиги 9 метр бўлган қудуққа тушиб кетган.
Хабарга асосан, зудлик билан ФВВ қутқарувчилари айтилган манзилга етиб бориб, махсус қутқарув анжомлари ёрдамида қизни қудуқ ичидан олиб чиққан ва тез-тиббий ёрдам ходимларига топширган.
Шундан сўнг, турли даражада тан жароҳати олган қизга тиббий ёрдам кўрсатиш мақсадида Республика шошилинч тез-тиббий ёрдам илмий марказига етказилган. Қиз ҳозирда шифокорлар назоратида бўлиб, умумий аҳволи яхшилиги айтилди.
