Жорий йилнинг май ойига қадар Тошкент метрополитенидан 70 миллионга яқин йўловчи фойдаланди. Бу ҳақда Транспорт вазирлиги хабар берди.

Вазирликнинг таъкидлашича, 2023 йилнинг ўтган 5 ойи давомида (январ – май) Тошкент метрополитенида 68,5 миллион йўловчига хизмат кўрсатилган. Йўловчи ташиш кўрсаткичлари бўйича ўсиш суръати ўтган йилнинг мос даврига нисбатан 133,5% ташкил этди (51,3 млн йўловчи).

Энг кўп йўловчи оқими 15,8 миллион нафар йўловчи миқдорида жорий йилнинг май ойида қайд этилган.

Ойлар кесимидаги кўрсаткичлар:

январ – 10,4 млн;

феврал – 13,7 млн;

март – 14,6 млн;

апрел – 14,0 млн;

май – 15,8 млн.