Жорий йилда 544,8 млн дона электрон чек тақдим этилган
Чекларнинг умумий қиймати 19,9 трлн сўм экани айтилди
Истеъмолчиларга жорий йил бошидан 544 миллиондан зиёд электрон чек берилгани маълум қилинди.
2023 йил 1 июн ҳолатига кўра чакана савдо ва хизмат кўрсатиш соҳасида маркетплейсларнинг маълумотлар базаси солиқ органлари ахборот тизими билан интеграция қилиниб, харидорларга жорий йилда умумий қиймати 19,9 триллион сўмлик 544,8 миллион дона электрон чек тақдим этилган.
Шунингдек, электрон чеклар тақдим этилиши натижасида харидорларга автоматик тарзда 96,2 миллион дона электрон чек учун 36,9 миллиард сўм кешбек ҳисоблангани айтилмоқда.
Рўйхатга олинган маркетплейслар – 146 тани ташкил қилади. Жумладан:
1. Электрон тўлов тизимлари – 47 та:
- Тўлиқ интеграция қилинган – 31 та (66%);
- Интеграция жараёнида – 11 та (23%);
- Фаолият юритмаётган (тугатилган) – 5 та (11%).
2. Банк мобил иловаси – 33 та:
- Тўлиқ интеграция қилинган – 27 та (82%);
- Интеграция жараёнида – 4 та (12%);
- Фаолият юритмаётган (тугатилган) – 2 та (6%).
3. Интернет дўконлар – 66 та:
- Тўлиқ интеграция қилинган – 27 та (40%);
- Интеграция жараёнида – 33 та (50%);
- Фаолият юритмаётган (тугатилган) – 6 та (10%).
