Сирдарё вилоят ИИБ Гулистон шаҳрида бедарак йўқолган аёл қидирилаётгани ҳақида хабар берди. ИИБ фуқарони топилишида кўмаклашганлар ўн миллион сўм пул билан мукофотланишини маълум қилган.

Башорат Холбоева 22 июн куни уйидан чиқиб кетиб, бедарак йўқолган. Гулистон шаҳар, 3-мавзе, «Боғишамол» маҳалласи, Қурувчилар кўчаси, 6/11-уйда яшаган, 1962 йилда туғилган.

Алоҳида белгилари: бўйи 160 см атрофида, қош-кўзлари қора рангда, сочлари калта қора рангда, иягида қора холи бор, эгнида пушти гулли чит кўйлаги бўлган, оёғида шиппак бўлган.

Аёл ҳақида маълумотга эга бўлганлардан 102 қисқа рақами ёки 99-477-20-60, 97-121-55-05, 97-245-05-77, 91-507-00-55, 67-225-44-86, 78-221-02-72 рақамларига қўнғироқ қилиш сўралган. Қайд этилишича, хабар берганларнинг шахсига оид маълумотлар сир сақланиши кафолатланади.