Ички ишлар бўлими бошлиғи номига жабрланганларнинг бири банк картаси ҳисобидан пуллар йўқолгани ҳақида ариза билан мурожаат қилган.
Олиб борилган суриштирув ишлари натижасида пулларни ўзлаштирган шахс банк ходими экани аниқланган. Ходим 2022 йил ноябр ойидан 2023 йил 29 май кунига қадар фуқароларнинг пенсия тўловлари, моддий ёрдам ва 2 ёшгача бўлган болаларнинг нафақа пулларини олиш мақсадида очилган 48 банк карталарининг 41 тасидан жами 21 миллион 900 минг сўм пулни ўғирлаб, ўз эҳтиёжларига ишлатиб юборган.
Ушбу ҳолат юзасидан банк филиали сайёр касса кассирига нисбатан Жиноят кодексининг 169-моддаси 1-қисми билан жиноят иши қўзғатилган. Қайд қилинишича, ўғирланган пулларнинг барчаси қопланиб, ҳолат юзасидан дастлабки тергов ҳаракатлари олиб борилмоқда.
