16:07 | 08.07.23 1013
Бухородаги халқаро ўтказиш пунктида жанговар ўқ-дориларнинг ноқонуний олиб кирилишини олди олинди
Қайд этилишича, ҳозирда ҳолат юзасидан дастлабки суриштирув ишлари олиб борилмоқда.
Бухоро вилоятида жойлашган «Олот-автойўл» халқаро ўтказиш пунктида чегарачилар томонидан божхона ходимлари билан ҳамкорликда кириш йўналишида текширишлар давомида жанговар ўқ-дориларнинг ноқонуний олиб кирилишини олди олинди.
Ўзбекистон фуқароси бошқарувидаги DAF юк машинаси кўрикдан ўтказилган.
Тиркамага ортилган 8 дона енгил автомашиналар орасидан, давлат рақамисиз Hyundai Elantra автомашинасининг орқа ўриндиғи ва захира ғилдираги орасида 1 дона картон қутида 43 дона жанговар ўқ-дори яшириб қўйилганлиги аниқланган.
