13:32 | 08.07.23 1287
Марказий банк халқаро валюта захираларини эълон қилди
Ўзбекистон олтин-валюта захираси кетма-кет иккинчи ой камайган.
Марказий банк Ўзбекистоннинг расмий захира активлари июн ойида 649 миллион долларга камайиб, 1 июл ҳолатига 33 миллиард 720 миллион долларни ташкил этганини маълум қилди. Бу йил бошидан буён қайд этилган минимум кўрсаткич ҳисобланади.
Расмий захираларнинг қисқариши асосан валютадаги активлар камайиши билан боғлиқ. Хорижий валютадаги активлар миқдори июн ойига нисбатан 514 миллион долларга камайиб, 9 миллиард 576 миллион долларни ташкил қилмоқда.
Аввалроқ Ўзбекистон олтин сотиш бўйича дунёда иккинчи ўринга чиқиб олгани ҳақида хабар берилганди.
