9:16 | 18.07.23 1821
Путин Қрим кўприги портлатилиши ортидан «жавоб» қайтарилишини маълум қилди
Россия президенти мамлакат Мудофаа вазирлиги таклифлар ишлаб чиқаётганини қайд қилган.
Путин Қрим кўпригида 17 июл куни содир этилган портлаш учун жавоб қайтарилиши, ҳозирда мамлакат Мудофаа вазирлиги таклифлар ишлаб чиқаётганини маълум қилган.
«Aлбатта, Россиядан жавоб бўлади. Мудофаа вазирлиги тегишли таклифлар тайёрламоқда», — деди у.
Эслатиб ўтамиз, 17 июл куни Россия ва аннексия қилинган Қримни боғловчи кўприк портлатилган. Оқибатда кўприкка жиддий шикаст етказилган, икки киши ҳалок бўлган. Яна бир киши касалхонага ётқизилган. Ҳозирда кўприкнинг икки тарафида ҳам йирик тирбандликлар кузатилмоқда.
Россия ТИВ ҳодисада Украинани айблаган, Киев расмийлари эса айбловларни тасдиқламаган ҳам, инкор ҳам этмаган.
