Япония Ўзбекистонга сейсмик барқарор бинолар қурилишида амалий ёрдам бермоқчи
Япониянинг Okumura Corporation компанияси сейсмик барқарор бинолар, сув, автомобил ва темирйўл туннелларини қурилишда амалий ёрдам беришга тайёрлигини маълум қилган.
Ўзбекистон элчихонаси ходимлари Япониянинг етакчи қурилиш компанияларидан бири — Okumura Corporation корпорацияси ижрочи директори Акира Окада билан учрашди, деб хабар бермоқда «Дунё».
Томонлар қурилиш соҳасида қўшма лойиҳаларни амалга ошириш, Okumura Corporation корпорациясининг зилзилага бардош берадиган биноларни лойиҳалаш ва сейсмик барқарор иншоотларни қуриш тажрибасини ўрганиш бўйича фикр алмашган.
Корпорация ижрочи директори Акира Окада Ўзбекистондаги йирик қурилишларга қизиқиш билдириб, Okumura Corporation томонидан сейсмик барқарор бинолар, сув, автомобил ва темирйўл туннелларини қурилишда амалий ёрдам беришга тайёрлигини таъкидлади.
Мавзуга доир: Фарғонада зилзила қайд этилди
Маълумот учун, Okumura Corporation корпорацияси 1907 йилда ташкил этилган. Корпорация сув, автомобиль ва темирйўл каби туннелларнинг ҳамда сейсмик барқарор биноларнинг қурилиши билан шуғулланади.
