АҚШнинг Ўзбекистондаги элчихонаси Green Card ютиб олганларга огоҳлантириш билан чиқди
Ўзингизни виза учун бир умрлик рад этилиш хавфи остида қолдирманг, — дейилади элчихона мурожаатида.
АҚШнинг Ўзбекистондаги элчихонаси Green Card’да ғолиб бўлган мурожаатчиларни сохта ҳужжатларни тақдим этмасликка чақирди.
Элчихона Diversity Visa (Green Card) ғолиб мурожаатчиларини, виза суҳбати вақтида сохта ҳужжатларни тақдим этиш, виза учун бир умрлик чеклов олишга сабаб бўлиши мумкинлиги ҳақида огоҳлантирди.
Ўзингизни виза учун бир умрлик рад этилиш хавфи остида қолдирманг. Виза олиш учун мурожаат вақтида, сохта ҳужжат ёки ёлғон маълумот тақдим этишни тавсия қилаётган учинчи шахсларга ишониб қолманг, — дейилади элчихона мурожаатида.
Аввалроқ, АҚШнинг Ўзбекистондаги элчихонаси ноқонуний йўл билан мамалакатга киришга уринаётган Ўзбекистон фуқароларини огоҳлантиргани, ноқонуний тарзда миграция қилишдан кўра, АҚШга киришнинг қонуний йўлларини излаб топишга чақиргани ҳақида хабар берилганди.
