AKFA компанияси Қозоғистоннинг Олмаота шаҳрида 6-8 сентябр кунлари бўлиб ўтаётган KazBuild 29-Халқаро Қурилиш кўргазмасида иштирок этмоқда. Бу ҳақда компания матбуот хизмати хабар берди.

Маълум қилинишича, кўргазмада 23 та давлатлардан ташриф буюрган 235 дан зиёд компаниялар қатнашмоқда. Мазкур кўргазма ишбилармонлик алоқаларини ўрнатиш, ўзаро тажриба алмашиш, қурилиш ва интерер саноатидаги инновациялар ҳамда тенденциялар билан танишиш учун ноёб имконият сифатида кўриляпти. Тадбир бутун дунёдан мутахассислар ва ўз ишининг усталарини жалб этиб, соҳадаги асосий воқеа бўлиши кутилмоқда.

2023 йилда Ўзбекистон номидан мамлакатнинг энг йирик маҳаллий саноат холдингларидан бири – AKFA Group компанияси KazBuild кўргазмасида иштирок этяпти. Компания Марказий Осиё иқлими учун қувват самарадорлигига эга бўлган янги ечимларни тақдим этади. Ўз стендида холдинг фаолиятининг бир нечта асосий йўналишлари бўйича энг яхши ечимларни тақдим этади: AKFA Windows & Doors (дераза ва эшик алюминий ва ПВХ тизимлари), AKFAComfort (иситиш ечимлари), AKFAAccessoires ва AKFABuild (Кукунли бўёқ).

AKFA Group, шунингдек, Қозоғистон ва Ўзбекистон иқлими учун мукаммал тарзда мос келувчи янги қувват самарадор ромларни тақдим этди. Терморомлар махсус икки қаватли ромлардан фойдаланган тарзда ишлаб чиқарилади, улар хона ичидаги иссиқликни инсон аралашувисиз сақлаб туришга қодир. Ташқи томондан улар оддий ромлардан фарқ қилмайди ва автоматик тарзда ишлайди. Улар йилнинг иссиқ мавсумида ҳам, совуқда ҳам қулай хона ҳароратини сақлаб туриши мумкин.

Алюминий ва биметалл AKFAComfort радиаторларининг тақдим этилган моделлари эса хусусий ёки марказий иситиш тизимидаги каби максимал қувват самарадорлиги билан уйда иссиқликдан баҳраманд бўлиш имконини беради.

Маълумот учун, KazBuild 29 йил аввал фаолиятини бошлаган ва қурилиш сегментида етакчилардан бирига айланган.

Эслатиб ўтамиз, аввалроқ AKFAComfort Грузия бозорига кириб боргани ҳақида хабар берган эдик. Компания мамлакатнинг энг йирик импортчиси билан йилига 40-50 мингта радиатор етказиб бериш бўйича шартнома тузган.