Тошкентда болалар томонидан чизилган суратларнинг хайрия кўргазмаси бўлиб ўтади
Кўргазмадан тушган пуллар гематологик ва онкологик касалликлар билан курашаётган болалар учун сарфланади.
Бугун, 18 сентябр соат 17:00 да Тошкент шаҳридаги Ёшлар ижод саройида гематологик ва онкологик касалликлар билан курашаётган болаларни қўллаб-қувватлаш мақсадида хайрия кўргазмаси бўлиб ўтади.
Маълум булишича, ушбу кўргазмада мана шу касалликларга чалинган 133 нафар бемор бола томонидан чизилган 650 та сурат намойиш қилинади. Шунингдек, бемор болалар томонидан чизилган 26 та сурат аукционга қўйилади. Сотувдан тушган пуллар эса ўша болаларнинг даволанишига сарфланади.
Бундан ташқари, қатнашчиларда болаларнинг даволаниши, дори-дармонига ҳам маънавий, ҳам моддий ёрдам бериш имкони бор.
Кўргазмага кириш ва томоша қилиш – бепул.
