АҚШ компанияси Ўзбекистонга 10 млрд доллардан зиёд инвестиция киритади
Бу бўйича келишув Шавкат Мирзиёевнинг АҚШга ташрифи давомида амалга оширилган.
Президент Шавкат Мирзиёев Америка Қўшма Штатларига амалий ташрифи доирасида Air Products компанияси билан 10 миллиард долларлик инвестиция шартномаси бўйича келишувга эришди. Бу ҳақда Президент матбуот котиби Шерзод Асадов хабар берди.
Қайд этилишича, Air Products компанияси томононидан Ўзбекистон иқтисодиётига 10 миллиард доллардан зиёд инвестициялар йўналтириш бўйича келишувга эришилган.
Президентнинг компания бошқаруви раиси Сейфи Гасеми билан учрашувида АҚШ Давлат котибининг энергетика масалалари бўйича ўринбосари, элчи Жеффри Пайетт ҳам қатнашган ва у ҳам давлат раҳбари билан суҳбатлашган.
Маълумот учун, Air Products компанияси 1940 йилда АҚШнинг Мичиган штати Детройт шаҳрида ташкил этилган бўлиб, асосий йўналиши саноат мақсадларида фойдаланиладиган газлар ва кимёвий моддаларни сотишдан иборат.
Эслатиб ўтамиз, аввалроқ ушбу компания билан Ўзбекистонда газни саноат даражасида қайта ишлаш бўйича шартнома имзоланганди.
