Журналист Алишер Рўзиохунов 32 ёшида вафот этди

Таниқли журналист Алишер Рўзиохунов 32 ёшида вафот этди. Бу ҳақда унинг яқин ҳамкасби Илёс Сафаров Facebook’даги саҳифасида маълум қилди.

Алишер Рўзиохунов

«Алишер – менинг Тошкентда топган энг яқин инсонларимдан бири эди. Уни билими, фаолияти ва инсонийлиги билан кўпчилик ҳурмат қиларди. Юрагим ёниб кетяпти», – Илёс Сафаров марҳум ҳақида.

Алишер Рўзиохунов Kun.uz, Gazeta.uz, Bugun.uz каби интернет нашрларида ва «Акцент» лойиҳасида ишлаган. 2021 йилда «Келажак бунёдкори» медали билан тақдирланган.

Kun.uz маълум қилишича, журналист сўнгги вақтларда оғир касаллик билан оғриган.

Bugun.uz таҳририяти марҳумнинг оила аъзолари ва яқинларига чуқур таъзия ва ҳамдардлик билдиради.