Apple 20 йиллик юбилейга шиша iPhone чиқаради

Apple 2027 йилда нишонланадиган iPhone линейкасининг 20 йиллиги муносабати билан дизайнни тубдан янгилашга тайёрланмоқда – миш-мишларга кўра, смартфон корпуси тўлиқ шишадан тайёрланади.

АҚШ патентлар бюросига (USPTO) топширилган сўнгги аризага кўра, қурилма чоксиз монолит блок эффектини яратувчи олти томонли шиша корпусга эга бўлади.

Мақсад «визуал ва тактил сезувчанликка» эришиш бўлса-да, патент яхлит ойнанинг мўртлигини олдини олиш учун бир нечта шиша элементларидан иборат конструкцияни тавсифлайди.

Шу билан бирга, турли қалинликдаги соҳалар, жумладан, қалин бурчаклар назарда тутилган. Барча қирралар контентни кўрсатиши ва тегинишларга жавоб бериши мумкин, шишада эса микрофонлар ва карнайлар учун тешиклар бўлади.

Интерфейс ён панелларга интеграция қилинади, бу эса янги бошқарув сценарийларини очади. Бундай ёндашув Apple’га деярли «мукаммал», рамкасиз, олд панелида кесиклар бўлмаган iPhone’ни таклиф қилиш имконини беради.