Now Reading: Трамп Россиянинг Зеленскийнинг қонунийлиги ҳақидаги позициясини «бемаънилик» деб атади
-
01
Трамп Россиянинг Зеленскийнинг қонунийлиги ҳақидаги позициясини «бемаънилик» деб атади
Трамп Россиянинг Зеленскийнинг қонунийлиги ҳақидаги позициясини «бемаънилик» деб атади
Москванинг Украина президентининг қонунийлиги ҳақидаги фикри муҳим эмас ва Россия Украинага бостириб киришни тўхтатмаса, «иқтисодий уруш»га дуч келиши мумкин, деди АҚШ президенти Доналд Трамп.
Москва Володимир Зеленскийнинг Украина президенти лавозимида ғайриқонуний мавжудлиги ҳақида гапирганда, «ўйин» қилмоқда, бундай сўзларни жиддий қабул қилмаслик керак. Бу ҳақда 26 август, сешанба куни Оқ уйда журналистлар билан суҳбатда АҚШ президенти Доналд Трамп айтди.
Журналистлардан бири Москва Зеленскийнинг қонунийлиги ҳақидаги фикрини АҚШ президентига билдирганми, деб сўради. Журналист Россия ташқи ишлар вазири Сергей Лавровнинг бир неча кун олдин айтган сўзларини эслатиб ўтди, унга кўра Москва Зеленскийнинг эҳтимолий тинчлик битимини имзолашга ваколати йўқ деб ҳисоблайди.
«Нима дейиши муҳим эмас. Ҳаммаси бемаънилик. Уларнинг ҳаммаси маълум бир позицияда. Ҳаммаси бемаънилик. Ҳаммаси ўйин қиляпти», — деб жавоб берди Трамп. У залда бўлган махсус элчи Стив Уиткоффдан бу ҳақда қандай фикрда эканлигини сўради. “Мен сизнинг фикрингизга қўшиламан, сэр”, – деб жавоб қилди Уиткофф.
